Fiziki-kimyəvi analiz (DTA, MCA, RFA, eləcə də mikrobərkliyin və xüsusi çəkinin təyini) metodları vasitəsilə CuTe–As₂Te₃ sistemində  qarşılıqlı təsir tədqiq edilmiş və faza diaqramı qurulmuşdur. Sistem 320⁰C temperaturda konqruyent əriyən Cu₃As₄Te₉ tərkibli birləşməsinin  əmələ gəlməsi ilə xarakterizə olunur. As₂Te₃ əsasında otaq temperaturunda 8 mol % CuTe bərk məhlul sahəsi əmələ gəldiyi halda, CuTe birləşməsi əsasında bərk məhlul sahəsi praktik olaraq təyin edilməmişdir. Cu₃As₄Te₉ və As₂Te₃ öz aralarında evtektika əmələ gətirir, tərkibi 45 mol % CuTe, temperaturu 265⁰C-dir. Rentgenfaza analizinin nəticələrinə əsasən müəyyən edilmişdir ki, Cu₃As₄Te₉ birləşməsi tetraqonal sinqoniyada kristallaşır, qəfəs parametrləri: a = 13.86, c = 18.05 Å. Z = 9, ρ_pik = 6.96 g/cm³, ρ_rent = 7.06 g/cm³-dir

doi.org/10.32737/0005-2531-2021-1-67-71