Tədqiqat nəticəsində tiokarbamidlə doymuş və doymamış silisium oksiranların mütləq metil spirti mühitində kalium hidroksidin iştirakı ilə qarşılıqlı təsiri nəticəsində 65–75% çıxımla doymuş və doymamış silisium üzvi episulfidlərin sintez üsulları işlənib hazırlanmışdır. Aparılan tədqiqatlar nəticəsində aşkar olunmuşdur ki, sintez olunmuş silisium üzvi episulfidlər yüksək reaksiyaya girmə qabiliyyətinə malik olub nukleofil və elektrofil reagentlərlə reaksiyaya girərək müvafiq silisiumlu törəmələrini əmələ gətirirlər. Alınan maddələrin İQ- spektrləri öyrənilmişdir. Bu zaman müəyyən edilmişdir ki, episulfid zəncirinin CH2 qrupunun valent sürüşməsi, oksiran zəncirinin CH2 qrupunun valent sürüşməsindən 50–70 sm-1 aşağıdır
doi.org/10.32737/0005-2531-2021-4-43-48