Sintez edilmiş N-alkil-N-allil-N-(β-xlor)allilaminlərin (AABA) polimerləşmə reaksiyaları mineral turşular (HCl, HNO₃, H₃PO₄) məhlullarında termiki inisiatorlar – ammonium persulfat (AP) və azobisizoyağ turşusunun dinitrilinin (ABD) iştirakı ilə aparılmışdır. AABA-nın radikal polimerləşməsi PA və ABD-dən istifadə edilməklə inisiatorun 4^.10^-4 mol/l qatılığı, 60⁰C temperaturda və 10–24 saat müddətində aparılmışdır. Göstərilən üsulla kifayət qədər yüksək molekul kütləli polimerləşmə məhsulları almaq olmur, amma AP AİD-yə nisbətən daha çox effektlidir. Lakin AABA-nın fotopolimerləşməsini (Т=20⁰C, λ=360 nm) qatı turşu məhlullarında fotoinisiatorlar – uranil diakvadiasetat və uranil diakvadipivalat iştirakı ilə inisiatorun 4^.10^-4 mol/l qatılığında aparan zaman hər bir amin üçün xarakteristik özlülüyün kifayət qədər yüksək qiymətli suda həll olan polimerləri alınmışdır

doi.org/10.32737/0005-2531-2020-1-66-70